ಶ್ರೀಗುರುದೇವದತ್ತಚರಿತಸಾರಃ ೧
(೧) ಶ್ರೀಗುರುದೇವದತ್ತಚರಿತಸಾರಃ || ಓಂ ನಮೋ ಭಗವತೇ ದತ್ತಾತ್ರೇಯಾಯ || || ಶ್ರೀಗಣೇಶಾಯ ನಮಃ || ಪ್ರಾರ್ಥನಾನಾಮ ಪ್ರಥಮೋऽಧ್ಯಾಯಃ ವಂದೇ ವಿಘ್ನಾಧಿಪಂ ದೇವಂ ರುದ್ರಸೂನುಂ ಗಣೇಶ್ವರಮ್ | ಪಾರ್ವತೀತನುಸಂಭೂತಂ ಸರ್ವವಿಘ್ನನಿವೃತ್ತಯೇ ||1|| ಸದ್ಗುರುಂ ಪರಿಪೂರ್ಣತ್ವಸಿದ್ಧಯೇ ಪ್ರಾರ್ಥಯಾಮ್ಯಹಮ್ | ಸರ್ವಜನಾದರಾರ್ಥಂ ವೈ ಗುರುಚಾರಿತ್ರ್ಯಸಿದ್ಧಯೇ ||2|| ನಮಾಮಿ ಶಾರದಾದೇವೀಂ ಸರ್ವವಿದ್ಯಾವಿಶಾರದಾಮ್ | ಸುರಭಾಷಾಪ್ರಸಿದ್ಧ್ಯರ್ಥಂ ವಿದ್ಯಾಬುದ್ಧಿವಿವರ್ಧಯೇ ||3|| ರಾವಣಾರ್ಚಿತಶಂಭುಂ ತ್ವಾಂ ಮಾರ್ಕಂಡೇಯವರಪ್ರದಮ್ | ವೇದಾದಿಷು ಸ್ತುತಂ ರುದ್ರಂ ಭಜಾಮ್ಯಲೋಪಸಿದ್ಧಯೇ ||4|| ಶ್ರೀಮನ್ನಾರಾಯಣಂ ವಂದೇ ಗುರುಮಹಿಮಾಪ್ರಸಿದ್ಧಯೇ | ಶಾರದಾಂ ಮಯಿ ಸಂಸ್ಥಾಪ್ಯ ಸಾಫಲ್ಯಂ ತ್ವಂ ತನೋತು ಮೇ ||5|| ವಂದೇ ವಾಲ್ಮೀಕಿಭಾಸೌ ಚ ಕಾಲಿದಾಸಂ ಚ ಭಾರವಿಮ್ | ಮಾಘಂ ಭರ್ತೃಹರಿಂ ವ್ಯಾಸಂ ಪರಾಶರಾದಿಸತ್ಕವೀನ್ ||6|| ⸻ ನಾಮಧಾರಕ-ಗುರು-ಸಮಾಗಮೋ ನಾಮ ದ್ವಿತೀಯೋಧ್ಯಾಯಃ ಶ್ರೀಗುರೋಸ್ತು ಸುಚಾರಿತ್ರ್ಯಂ ಪಾವನಂ ಗಾಂಗತೋಯವತ್ | ಚರಿತಾಮೃತಮೇತದ್ವೈ ಪುನೀತಾಃ ಪಾತುಮಿಚ್ಛುಕಾಃ ||1|| ತೃತೀಯದತ್ತರೂಪಸ್ತು ನೃಸಿಂಹಾಖ್ಯಸ್ಸರಸ್ವತಿಃ | ಸಕೃತ್ತಸ್ಯ ಸ್ಮರೇನ್ನಾಮ ಭಕ್ತ್ಯಾ ಭವಭಯಾಪಹಮ್ ||2|| ಯಃ ಶೃಣೋತಿ ಪಠೇದ್ವಾऽಪಿ ಇಹಾಮುತ್ರ ಗತಿಂ ಲಭೇತ್ | ತಾದೃಶ ಏವ ದೇವಸ್ಯ ಹೃತ್ಪದ್ಮಾಂತಿಕಭಾಜನಃ ||3|| ಗಾಣಗಾಪುರಸಾನ್...